සිසිලන
පද්ධතිය(02 කොටස)
සිසිලන ක්‍රම
මොටර් රථ සදහා භාවිතා කරන සිසිලන ක්‍රම ප්‍රධාන
වශයෙන් ක්‍රම දෙකකට බෙදා දැක්විය හැකිය. එනම්,
01. වාත සිසිලන ක්‍රමය
02. අනියම් වාත
සිසිලනය / ජල සිසිලනය
මෙහිදී අනියම් වාත සිසිලන ක්‍රමය ක්‍රම
දෙකකට බෙදා වෙන් කෙරේ.
01. තාප නිනාල
සංසරණ ක්‍රමය
02. කෘත පෝෂණ
සංසරණ ක්‍රමය
වාත සිසිලන ක්‍රමය
මෙම ක්‍රමය බහුල ලෙස යොදා ඇත්තේ මෝටර්
සයිකල්වලයි. එසේම, සමහර මෝටර රථ වලද භාවිතා කර ඇත. මෙහි දී එන්ජින් සිලින්ඩරය
නිරතුරුව පිටත වාතය සමග ගැටීමට සළස්වා ඇත. මේ නිසා තාපය වැඩි ප්‍රදේශයක විසිරීමට
හැකිවන ලෙස සිලින්ඩරයේ පිටත පෘෂ්ටයේ වර්ගඵලයේ වැඩි කර ඇත. මෙසේ කර ඇත්තේ වරල්
යෙදීමෙනි. මේ නිසා වාතය ද හොදින් ලෝහ සමග ස්පර්ශ වී ගමන් කරයි. 01 රූප සටහනෙන් මෙම
ක්‍රමය
සහිත එන්ජිමක සිලින්ඩරයක් පෙන්වා ඇත.
සහිත එන්ජිමක සිලින්ඩරයක් පෙන්වා ඇත.
Image
නමුත්, මෝටර් රථවල එන්ජිමක් පිටත වාතය සමග
නිරතුරුව ගැටීමට සැළැස්විය නොහැකිය. මේ නිසා ඒ සදහා වෙනම පංකාවක් යොදා ඇත. මෙම
පංකාව අධික ශබ්දයෙන් යුක්තය. එසේම, මෙය ක්‍රියාකරවීමට අතිරේක බලයක් ද අවශ්‍ය වේ.
මෙහි ඇති එක් අවාසියක් නම් මෙයයි. නමුත් මෝටර් රථ සදහා බහුල ලෙස යොදා ඇත්තේ
අනියම් වාත සිසිලනයයි.
තාප නිනාල සංසරණ ක්‍රමය
මෙම ක්‍රමයේ දී ජල කුහරවල ඇති ජලය රත් වේ. ඒ
නිසා ජලයේ ඝනත්වය අඩු වී සැහැල්ලුවීම නිසා ඒවා ඒවා ඉහලට පැමිණේ. එම අඩුව පිරවීම
සදහා රේඩියේටරයේ පහළ ටැංකියේ ඇති සිසිල් ජලය එන්ජිමට ගමන් කරයි.
මේ අනුව,
නොකඩවා රත්වන ජලය සැහැල්ලු වී රේඩියේටරයේ ඉහළ ටැංකියට පැමිණේ. මේ නිසා එම ජලය
රේඩියේටරය හරහා ගමන් කිරීමේ දී එම මාධ්‍ය හරහා ගලා යන යන වාතය සමග ගැටී තාපය ඉවත්
වේ. මේ අනුව, එන්ජිමේ ලෝහ කොටස්වල ඇති තාපය ජලය මගින් උරා ගෙන ඒවා රේඩියේටරය කරා
ගෙන ඒම මෙම ක්‍රමයේ කාර්යයි. මෙය 02 රූප සටහනෙන් පෙන්වා ඇත.
මෙහි දී තාපය රේඩියේටරය කරා ගෙන ඒමට ප්‍රමාද
වන බැවින් නවීන රථවල මෙම ක්‍රමය යොදා නැත. එහෙත් පැරණි එන්ජිම්වල යොදා තිබුණි. මෙම
ක්‍රමයේදී ද එන්ජිම් තාපය ඉවත් කරනුයේ වාතය මගිනි. නමුත්, තාපය රේඩියේටරය කරා ගෙන එන මාධ්‍යයක් ලෙස භාවිතා කර ඇත.
Image
කෘත පෝෂණ සංසරණ ක්‍රමය
මෙම ක්‍රමයේ දී ජලය නොකඩවා එන්ජිම හා රේඩියේටරය
වටා සංසරණය වීමට පොම්පයක් යොදා ඇත. මේ නිසා එන්ජිමේ තාපය ඉක්මණින් ජලයට මුසු වී
පැමීණීම නිසා එන්ජිමේ තාපය අඩු වේ. 03 වන රූප සටහනෙන් මෙම ක්‍රමයේ
සංරචක හදුනා ගන්න. මෙම පොම්පය එන්ජිමේ දගර කද සම්බන්ධ පුලියක පංකා පටිය ආධාරයෙන්
ක්‍රියා කරවයි.
පීඩන පියන(ප්‍රෙෂර්
කැප්)
නවීන එන්ජිම්වල සිසිලන පද්ධතියට යොදා ඇති
රේඩියේටරයේ කටට වෑල්ව දෙකක් සහිත පියනක් යොදා ඇත. මේ නිසා සිසිලන පද්ධතිය මුද්‍රා
වී එහි තුළ පීඩනය වැඩි කරයි. මේ හේතුවෙන් එහි තාපාංකය ද ඉහළ නංවයි. මේ නිසා
එන්ජිමක් වැඩි උෂ්ණත්වයක වැඩ කරන බැවින් කාර්යක්ෂමතාවය වැඩි වෙයි. එම පියනේ ඇති
වෑල්ව දෙක මේ නමින් හදුන්වයි.
1. පීඩන වෑල්වය
2. රික්ත වෑල්වය
04වන රූප සටහනෙන් මෙම පීඩන පියනේ ස්වභාවය
වටහා ගන්න. මෙම පීඩන වෑල්වය මගින් පද්ධතිය තුළ පීඩනය එක්තරා සීමාවකට පැමිණි පසු
එය විවර කර වැඩි පීඩනය මුදා හරී. එසේම,
එන්ජිම නැවත සිසිල්වීමේ දී ඇතුළත පීඩනය අඩු වී රික්තකයක් ඇති වේ. මේ අවස්ථාවේ දී
පිටතින් වාතය ඇතුළු වනුයේ රික්ත වෑල්වය හරහාය. නවීන රේඩියේටරවල මෙම පීඩන පියන බහුල
ලෙස යොදා ඇත.